ETB2n
'Futbolaren negozioa', gaur, 'El Dilema' saioan
Gai honi buruz jarduteko, Jose Maria Gay de Liebana, Miguel Santos, Iñaki Galdos, Ana Urquijo, Luis Gil eta Javier Olaverri izango dira.
Juan Carlos Etxeberriak gidatzen duen saioa futbolaren negozioaz arituko da gaur gauean. 'El Dilema'k honako gai hauek jorratuko ditu: taldeen egoera ekonomikoa, Ogasunari egin beharreko ordainketak, izan ditzaketen diru-sarrerak eta jasotzen dituzten laguntza publikoak.
Gai honi buruz jarduteko, Jose Maria Gay de Liebana, ekonomialaria; Miguel Santos, futbolarien agente ohia; Iñaki Galdos, Gipuzkoako Kirol diputatu ohia; Ana Urquijo, Athleticeko presidente ohia; Luis Gil, Espainiako Futbol Elkartearen gerentea, eta Javier Olaverri abokatua izango dira saioan.
Horrez gain, Miguel Cardenal Kirol Kontseilu Nagusiko presidentea elkarrizketatuko dute eta Alex Aranzabal Eibarreko presidentearekin taldearen egoera aztertuko dute.
'El Dilema' 23:30etik aurrera egongo da ikusgai, ETB2en.