Gaur
Konponbidea plataformako kideak, 'Egun On Euskadi'n eta 'ETB Hoy'n
A.H.
EITB
Presoen eskubideen aldeko plataforma herritarraren helburu eta ekimenez arituko dira.
Teresa Toda Konponbidea herri plataformako kidea
Gaur, Teresa Toda eta Joseba Azkarraga Konponbidea herri plataformako kideak izango dituzte gonbidatu 'Egun On Euskadi' eta 'ETB Hoy' albistegietan. 25 urte bete dira presoen dispertsio legea martxan jarri zenetik eta Konponbidea herri plataformako kideak presoen eskubideen defentsan bete beharreko helburuez eta egindako ekimenez arituko dira.
Estepan Aldamiz-Etxebarriak Teresa Toda kazetaria elkarrizketatuko du ETB1en, Donostiatik zuzeneko konexioan, eta Iñaki Galdos, Elena Martinez de Madina eta Jose Luis Elorza izango ditu solaskide.
ETB2n, Olaia Urtiagak Joseba Azkarraga elkarrizketatuko du, eta, ondoren, Silvia Intxaurrondok gidatzen duen tarteak eguneko albiste nabarmenenak aztertuko ditu.
Jon Santacana eskiatzaile paralinpikoa 'Entrada Libre'n
Vanessa Sanchezek, bestalde, Jon Santacana eskiatzaile paralinpikoa elkarrizketatuko du 'Entrada Libre' saioan. Kirolari gipuzkoarrak bi domina irabazi ditu aurten Sotxin, Neguko Olinpiar Jokoetan, eta bere kirol ibilbideaz arituko da 11:15etik aurrera.