Elkarrizketak
Europako aktualitatea, gaur, 'Egun On Euskadi'n eta 'ETB Hoy'n
A.H.
EITB
Mikel Anton Jaurlaritzako Europako Gaietarako zuzendaria elkarrizketatuko dute.
Estepan Aldamiz-Etxebarria eta Olaia Urtiaga
Mikel Anton Eusko Jaurlaritzako Europako Gaietarako zuzendaria elkarrizketatuko dute gaur 'Egun On Euskadi' eta 'ETB Hoy' albistegietan. Europako hauteskundeen atarian, Europan pil-pilean dauden gaiak aztertuko ditu gonbidatuak, eta komunitate bakoitzaren politikan gai eta erabaki hauek duten garrantziaz arituko da.
ETB1en Estepan Aldamiz- Etxeberriak egingo dio elkarrizketa eta horrez gain, Garbiñe Biurrun, Felix Iriarte eta Iker Bizkaguenaga solaskideak izango ditu saioan, goizeko 08:00etatik aurrera.
ETB2n, Mikel Antonek Olaia Urtiagaren galderak erantzungo ditu 11:45etik aurrera, eta ondoren, Silvia Intxaurrondok aurkezten duen saioak eguneko albiste nabarmenenak aztertuko ditu.
Euskal basoak hizpide, 'Entrada Libre'n
Vanessa Sanchezek Mario Michel mendi ingeniaria elkarrizketatuko du 'Entrada Libre' saioan. Euskal Herriko basoek azkeneko urteetan jasan dituzten aldaketez arituko da.