Kirolak
Txirrindularitza, saskibaloia eta pilota, gaur, ETB1 eta eitb.com-en
A.A.
EiTB
Italiako Giroko 7. etapa, Euroligako Final Fourreko bi finalerdiak eta Bergarako pilota jaialdia, zuzenean.
Your browser doesn’t support HTML5 video
Euskal Telebistan eta eitb.com-en gaurko kirol eskaintzak zuzeneko lau emanaldi dakarzkigu.
Txirrindularitzarekin abiatuko dira 15:00etan. Italiako Giroko 7. etaparen kontakizuna egingo dute Fermin Aramendik eta Xabier Usabiagak. 214 kilometro izango ditu Frosinonen hasi eta Folignon amaituko den etapa lauak.
Eguneko bigarren arretagunea Euroliga izango da. Final Fourreko bi finalerdiak jokatuko dira Milanen: CSKA Mosku-Maccabi eta Bartzelona-Real Madril. 18:00etan hasiko da lehendabizikoa, eta 21:00etan, bigarrena. Xabier de la Fuentek eta Josean Aldalurrek egingo dituzte esatari lanak.
Bergarako udal pilotalekuan jokatuko den pilota jaialdiaren emankizuna eitb.com-en hasiko da, 22:00etan, eta saskibaloia amaitutakoan, 22:45 aldera, ETB1en ere izango da ikusgai. Atariko partidan, Apezetxea-Larrinaga eta Aritz Lasa-Peñagarikano bikoteak izango dira nor baino nor gehiago; promozio txapelketako Rico IV-Rezusta izango da bigarrena, eta Buruz Buruko Txapelketako J. Retegi-Ezkurdia, hirugarrena. Xabier Euzkitze, Joxan Tolosa eta Koldo Aldalur izango ditugu berriemaile.