22:30ean
Maketa Lehiaketaren finala, gaur gauean, ETB1en eta eitb.com-en
22:30ean, Gaztearen Maketa Lehiaketaren finala eskainiko du ETB1ek eta eitb.com-ek. Bilborock aretoan grabatutako finalean, Kometa, Meraki, Perlak, Rural Zombies eta Smoke Idols taldeak arituko dira.
Gaztearen Maketa Lehiaketako finala eskainiko du ETB1ek gaur gauean, 22:30etik aurrera. Gainera, eitb.com-en ere eskainiko dugu ekitaldia.
Aurtengo Maketa Lehiaketaren entzuleen saria Kometa taldeak eraman duela jakin genuen aurreko astean, eta baita, bigarren talderik bozkatuenak, Merakik, finalerako txartela lortu zuela ere. Epaimahaikideek, ostera, beste hiru talde aukeratu dituzte Bilboko aretoan zuzenean aritzeko: Perlak, Rural Zombies eta Smoke Idols.
Bost taldeok euren kantuak taularatuko dituzte bertan bildutakoen eta epaimahaiaren aurrean. Kometak "Momentuaren zai" eskainiko du, Merakik "Egiak", Perlak taldeak "Goazen", Rural Zombies-ek "Stones" eta Smoke Idols-ek "Come Clean".
Talde irabazleak 2.000 euro dirutan, 3.000 euro materialean eta 2014ko Bilbao BBK Live jaialdian zuzenean jotzeko aukera eskuratuko du.
Ainhoa Urretabizkaia eta Xabier Doncel "B Aldea"ko esatariek aurkeztuko dute finala.
Ez ezazu galdu Gaztearen Maketa Lehiaketaren finala, larunbatean, 22:30ean, ETB1en eta eitb-com-en.