Conquis 10
Helisek abentura utzi du, Sheilaren aurka Purgatorioko duelua galduta
Hoya mendixkara igoera gogorrari aurre egin beharra izan zuten dueluan. Helis kanporatuta, Sheila saioaren hamargarren edizioa irabazteko lehiara batu da berriro.
Sheila eta Helisen arteko Purgatorioko dueluarekin bukatutzat eman da jada 'El Conquistador del Fin del Mundo' saioko fase bateratua. Bikietako baten erakustaldia izan zen berriz ere proba, Sheilarena kasu honetan. Indartsu daude, arin eta morala sendo dutela. Helis kanpoan utzita, Sheila saioaren hamargarren edizioa irabazteko lehiara batu da berriz.
Hoya mendixkara igoera gogorrari aurre egin beharra izan zuten dueluan, eta bidean ibaiak, elur pilaketak eta harrizko horma bat sahiestuz, garaipena eman zien banderatxoa eskuratu aurretik.
Bestalde, altxor preziatua jaso zuten parte hartzaileek: euren senitartekoen gutuna. Gainera, kanpemantu bateratuko lehiakideek eskutitza ere jasoko dute, bilera berri bat izango dutela iragarriz. Purgatorioaren berri izango dute bilera horretan, eta Helis eta Sheilaren arteko dueluan nork irabazi duen ere orduan jaikingo dute. Baina, beste koska bat gelditzen da oraindik zerura iristeko eta aurtengo hiru finalistak zeintzuk izango diren jakiteko.
Final handirako bidean, parte hartzaileek euren azken bidaiari egingo diote aurre, Perito Moreno glaziar izugarriari, alegia.
Debatea
Bestetik, igandeko ‘El Conquis’ debateko bi gai nagusiak honako hauek izango dira: final handia eta Rebeka eta Juanitoren arteko eztabaida garratzaren biharamuna. Parte hartzaile bilbotarra eta mendizale arabarraren arteko tirabirak zeresana eman du kalean zein sarean. Rebekak asteon egindako komentarioek, halaber, liskarra areagotu baino ez dute egin. Rebeka eta Juanito berriz izango dira aurrez aurre, baina adi, izan ere, Jose Luis Korta ere izango da asteon eta ziurrenik, bere lekuan jarri nahiko du Jaguareteen taldeko lehiakide ederra.
Hiru horiekin batera, bestetik, honako hauek ere izango dira debatean: Txurru, Gotzon Mantuliz, David Seco, Isa Landa eta Argi Gastaka.
Oso gertu dago finala eta debatean aurrerapen ugari eskainiko dira, besteak beste, azken proba erabakiorra, haren aurretiko duelua eta Purgatorioko kontuak nola amaituko diren. "El Conquistador del Fin del Mundo" gaur izango da ikusgai, gaueko "Eguraldia" tartearen ondoren, ETB2n.