ETB1en eta ETB2n
Makina-Erremintaren Biurtekoaz, aste honetako 'Teknopolis'en
A.H.
EITB
Horrez gain, lanbide heziketa nazioartekoa bihurtzeari buruzko erreportajea eskainiko dute.
Egun hauetan, BECan ospatzen ari den Makina-Erremintaren Biurtekoa hartuko dute hizpide 'Teknopolis'en. Batez ere, euskal ekoizleen standak bisitatuko dituzte, eta aurkezten dituzten produktuak ezagutzeaz gain, beren lanaren inguruan galdetuko diete. Ideko, Danobat Soraluce, Ibarmia, Zayer, IK4 Tekniker... eta beste hainbat enpresen produktuak ikusteko aukera izango da.
Programa osatzeko, maiatzeko argazki lehiaketan irabazlea iragarriko du 'Teknopolis'ek, eta horrez gain, lanbide heziketa nazioarteko bihurtzeari buruzko erreportaje bat eskainiko du.
'Teknopolis' larunbat honetan emitituko da 13:30etik aurrera ETB1en, eta igandean 09:30etik aurrera ETB2n.