Gaur
EAJko Itxaso Atutxari elkarrizketa, 'Egun On Euskadi'n eta 'ETB Hoy'n
A.H.
EITB
Andrea Blanco, Ada Byron sariaren irabazlea, hartuko dute gonbidatu 'Entrada Libre'n.
Itxaso Atutxa, Bizkai Buru Batzarreko presidentea. Argazkia: EiTB
Gaur, Itxaso Atutxa Bizkai Buru Batzarreko presidentea elkarrizketatuko dute 'Egun On Euskadi' eta 'ETB Hoy' albistegietan, eta gaur egungo egoera politikoaren gaineko hausnarketa egingo du.
ETB1en Estepan Aldamiz-Etxebarriak egingo dio elkarrizketa, eta, horrez gain, Esteban Antxustegi, Ludger Mees eta Mikel Arana kolaboratzaileak izango ditu saioan, 08:00etatik aurrera.
Olaia Urtiagaren galderei erantzungo dizkie Itxaso Atutxak 11:45ean ETB2n, eta, ondoren, Silvia Intxaurrondok aurkezten duen tartean, eguneko albiste nabarmenenak aztertuko dituzte.
Ada Byron saria, 'Entrada Libre'n
Vanessa Sanchezek, bestalde, Andrea Blanco Tecnaliako ikertzaile eta fotonikan aditua elkarrizketatuko du 'Entrada Libre' saioan, 11:15ean. Gonbidatuak Ada Byron saria irabazi berri du, teknologiaren alorrean, emakume ikertzaileei zuzendutako saria.