Audientzia
'Iñaki & Cia', berriro ere arrakastatsu ostegun gauean
A.H.
EITB
Paco Etxeberria auzitegiko medikuari buruzko atalak %12,7ko audientzia zatia eta 305.000 ikus-entzuleko audientzia metatua lortu zuen.
'Iñaki & Cia' saioaren bigarren emanaldiak joan den asteko estreinaldiarekin lortutako audientzia arrakasta berretsi zuen, ostegun gaueko ordutegi nagusian posizio pribilegiatua bereganatuz. Paco Etxeberriari buruzko atalak % 12,7ko audientzia zatia lortu zuen eta 305.000 ikus-entzuleko audientzia metatua Euskadin eta eragin eremuan.
Audientzia datuek erakutsi bezala, ikus-entzuleek atsegin dute 'Iñaki & Cia' saioaren formatua, pertsonaia ezagunen eguneroko bizitza eta haien alderik pertsonalena ezagutu asmo duena. Bigarren atal honetan, Paco Etxeberria auzitegiko medikuak ikerketa kriminalean buru-belarri emandako 30 urteko ibilbidea errepasatu zuen, bere haurtzaro eta gaztaroko istorioak kontatu zituen, eta bere gustu, hobbie eta iritziak partekatu zituen kameren aurrean.