Logroñoko pilota jaialdia, gaur gauean, ETB1en eta eitb.com-en

Logroñoko Adarraga pilotalekuko jaialdia eskainiko du Euskal Telebistak gaur gauean, 22:00etan hasita. Atariko partidan, Gorkak eta Merino I.ak Jakaren eta Cecilioren aurka neurtuko dituzte indarrak. Ondoren, neurketa nagusian, Titin III-Zabaleta eta Xala-Merino II izango dira aurrez aurre. Xabier Euzkitzek eta Joxan Tolosak egingo dute kontakizuna ETB1en eta eitb.com-en jarraitu ahal izango den emanaldian.

Jarraian ikusgai izango den 'Boxeo Izarrak' saioak udako emanaldi bereziei ekingo die. Lehen hiru atalak Oscar de la Hoyari eskainiko dizkiote. Ostiral honetan, hain zuzen, Bernard Hopkinsen eta Ricardo Mayorgaren aurka jokatutako borrokak eskainiko dira. Ohi denez, Pedro Mari Goikoetxeak eta Manu Maritxalarrek emango dituzte azalpenak.