Kirolak
Euskal futbol taldeen denboraldi-aurrea, ETBn
A.A.
EiTB
Ostegunean abiatuko da emanaldi sorta. Realak jokatuko duen Europa Leagueko kanporaketa eskainiko da.
Euskal futbol taldeen denboraldi-aurreari arreta berezia eskainiko dio Euskal Telebistak. Emanaldi sorta zabala prestatu du datozen asteetarako; lehendabizikoa, ostegun honetan, Realak Aberdeen taldearen aurka jokatuko duen Europa Leagueko kanporaketa izango da ikusgai ETB1en eta eitb.eus-en.
Athleticen bi partida aurreikusita ditu Euskal Telebistak: abuztuaren 9an, Borusssia Monchengladbachen aurkakoa, eta hilaren 13an, Olympiacosen aurkakoa.
Realaren eta Eibarren prestaketa lanak ere adi-adi jarraituko ditu Euskal Telebistak, Liga hasi aurretik. Ostegun honetan txuriurdinen denboraldiko lehen partida ofiziala eskaini ostean bi taldeek, abuztuaren 15ean, Zarautzen jokatuko duten lagunartekoa zuzenean eskainiko dute ETB1ek eta eitb.eus-ek.
Aurretik beste hitzordu bat ere izango dute donostiarrek, Gasteizen, Alavesen aurka, datorren igandean (abuztuak 3). Hau ere ETBn jarraitzeko aukera izango dute zaleek telebistan zein interneten.