22:20an
Jose Luis Kortarekin, gaurko 'Bilboko Su Artifizialak' saioan
A.H.
EITB
Horrez gain, gaur gaueko su artifizialak eskainiko dituzte zuzenean, Bizkaiko Astondoa pirotekniaren eskutik.
Gaur, Ilaski Serranok eta Agustin Ezenarrok Jose Luis Korta izango dute gonbidatu 'Bilboko Su Artifizialak 2014' saioan, eta berarekin batera ikusiko dituzte gaueko suak. Jose Luisek uda arraunean nola daraman azalduko du, eta jaiez ere arituko da. Gau horretako suak bizkaitarrak izango dira, Astondoa pirotekniaren txanda izango baita.
Erreportajeei dagokienez, Unai Etxabek dantza egingo du urteroko aerobithonean, eta Liernik, berriz, suen tripak erakutsiko ditu su artifizialak jaurtitzen diren lekutik, Etxebarria parketik: nola prestatzen dituzten, nola jartzen dituzten dena ondo atera dadin… Astondoa pirotekniak suak perfektuak izateko dituen sekretuak erakutsiko dizkigu.
'Bilboko Su Artifizialak 2014' gaur gauean izango da ikusgai, 22:20tik aurrera, ETB1en.