Euskal Telebistak kirol eskaintza zabala prestatu du iganderako. Hasteko, San Miguel Ligako Hondarribiko Ikurrina eskainiko dute ETB1ek eta eitb.eus-ek zuzenean. Mikel Olazabalek, Ibon Gaztañazpik eta Sara Gandarak emango dute estropaden berri, 12:00etatik aurrera.

Arratsaldean, Amezketako pilota jaialdiarekin bat egingo dute Euskal Telebistako kamerek. Rico IV-Apraiz eta Jaka-Tolosa bikoteek jokatuko dute jardunaldiko lehenengo partida, eta Saralegi-Albisu eta Altuna III-Zabaleta bikoteek, ondoren, partida nagusia. Xabier Euzkitzek, Joxan Tolosak eta Elena Azpeitiak egingo dute emanaldiaren gaineko kontakizuna, 17:00etatik aurrera, ETB1en eta eitb.eus-en.

Aurretik, Bilboko Aste Nagusian izan diren aizkolari eta harri-jasotzaile saioak eskainiko dira, 16:00etan, Ibon Gaztañazpi eta Jose Etxebesteren kontakizunarekin.

Arratsaldez, ETBK kateak pala eta zesta emanaldiak eskainiko ditu. 19:30ean, Bilbo Hiria pala txapelketako finala eskainiko du, eta Bilboko Aste Nagusiko Zesta Punta Txapelketa Profesionalaren finala, 20:30ean .