ETB1en eta eitb.eus-en
Kontxako Banderako sailkatze-saioa, gaur, zuzenean
A.H.
EITB
Ostegunean, 16:30etik aurrera, gizonezko eta emakumezkoen probak, protagonistekin elkarrizketak, estropaden analisia eta igandeko jardunaldirako zozketa eskainiko ditu ETBk zuzenean.
Your browser doesn’t support HTML5 video
Ostegun honetan, Euskal Telebistak Kontxako Banderako sailkatze-saioa zuzenean eskainiko du. 16:30etik aurrera, Donostiako kaian izango den giroarekin bat egingo dute ETB1ek eta eitb.eus webguneak.
Emakumezkoen proba 17:30ean izango da, eta ondoren, 18:00etan, gizonek jokatuko dute sailkatze-proba.
Mikel Olazabalek eta Ibon Gaztañazpik egingo dute emanaldiaren gaineko kontakizuna, eta Sara Gandarak eta Xabier Anduezak protagonistak elkarrizketatuko dituzte.
Probak amaitutakoan, igandeko jardunaldirako zozketa egingo da, eta hori ere zuzenean eskainiko dute.