Gaur arratsaldean
Alaves-Bartzelona B, zuzenean, ETB1en eta eitb.eus-en
A.H.
EITB
Horrez gain, Bigarren B mailako Real Union-Guadalajara eskainiko dute zuzenean.
Jon Elortzak gidatutako 'Zilarrezko Futbola' tarteak bi futbol partida eskainiko ditu gaur zuzenean ETB1en eta eitb.eus-en. Hasteko, Real Union eta Guadalajara taldeek Irunen jokatuko duten Bigarren B mailako norgehiagoka eskainiko dute, arratsaldeko 16:00etatik aurrera. Xabier Anduezak eta Juanan Larrañagak egingo dute emanaldiaren gaineko kontakizuna.
Arratsaldeko 18:30ean, Gasteizko Mendizorrotza estadioan izango dira Euskal Telebistako kamerak, Alaves-Bartzelona B partida zuzenean eskaintzeko. Naxari Altunak eta Juanan Larrañagak egingo dute emanaldiaren kontakizuna, eta Iban Bengoetxea zelaian bertan izango da protagonistei elkarrizketak egiteko.