Audientzia
'Los falsificadores' bere tartean audientzia buru, %13,8ko datuarekin
A.H.
EITB
'La Noche de....' saioak eskaini zuen filmak 263.000 ikus-entzuleko audientzia metatua lortu zuen Euskadin eta eragin eremuan.
Filmaren eszena bat
'La Noche de...' saioak Los falsificadores filma eskaini zuen astearte gauean. Stefan Ruzowitzky Austriako zinegilearen ekoizpenak %13,8ko audientzia zatia lortu zuen eta bere ordu tartean nagusi izan zen. Benetako istorio batean oinarritutako pelikula da, eta naziek herrialde aliatuen ekonomia suntsitzeko diseinatu zuten 'Bernhard operazioa' hartzen du oinarri. Istorioak audientziaren interesa piztu zuen, eta 263.000 ikus-entzuleko audientzia metatua lortu zuen Euskadin eta eragin eremuan.
Filmaren emisioaren aurretik, Felix Linaresek errodajearen eta protagonisten inguruko hainbat datu eman zituen, eta horrez gain, Hollywoodeko bi aktore ospetsuren ibilbidea errepasatu zuen: Denzel Washington eta Lauren Bacall. 'La Noche de...' saioak %13,8ko audientzia zatia lortu zuen, eta 237.000 ikus-entzuleko audientzia metatua.