Eztabaida ETB2n
Pablo Malo zinemagilea, gaurko 'Por Fin, Viernes' saioan
A.H.
EITB
Zinemaldian aurkeztu duen Lasa eta Zabala filmaz mintzatuko da Jon Bilbaorekin. Bide batez, Paco Etxeberria auzitegiko medikua ere hartuko dute torturaz hitz egiteko.
Jon Bilbao
Gaur gauean, Pablo Malo zinemagilea hartuko dute gonbidatu 'Por Fin, Viernes' saioan, Donostiako Zinemaldian aurkeztu berri duen Lasa eta Zabala filma hizpide hartuta. Horrez gain, Paco Etxeberria antropologo eta auzitegiko medikua hartuko dute ETB2ko saioan, filmak jorratzen duen tortura kasuaren inguruan aritzeko. Tortura erakundeek ezkutuan gordetzen duten krimena dela adierazi berri du Etxeberriak.
Bestalde, Rebeca Quintans, Un Rey golpe a golpe erregearen baimendu gabeko biografiaren egilea, elkarrizketatuko du Jon Bilbaok. Espainiako errege-familiaren gorabeherak gertutik jarraitu dituen Iñaki Anasagasti EAJko senataria izango du alboan. Honek ere badu gai honen inguruko liburu bat: Una monarquía protegida por la censura.
'Por Fin, Viernes' gaur gauean emitituko da, 22:15etik aurrera, ETB2n.