ETB1 eta eitb.eus-en
Laboral Kutxa-Bartzelona, Superkopako finalaurreko partida, zuzenean
A.H.
EITB
Horrez gain, Logroñoko sanmateoetako pilota-jaialdia eskainiko ditu Euskal Telebistak, 23:15etik aurrera.
Your browser doesn’t support HTML5 video
Laboral Kutxa eta Bartzelona taldeek jokatuko duten saskibaloiko Superkopako finalaurreko partida eskainiko dute gaur ETB1ek eta eitb.eus webguneak zuzenean. Gasteizko Buesa Arena pabiloian jokatuko dute, 21:30etik aurrera, eta Asier Arangurenek, Josean Aldalurrek eta Juan de la Vegak egingo dute emanaldiaren gaineko kontakizuna.
Jarraian, Logroñon jokatuko den sanmateoetako pilota-jaialdia eskainiko du Euskal Telebistak. Lehendabizi, Titin III-Merino eta Berasaluze II-Ibai Zabala arituko dira nor baino nor gehiago, eta Arretxe II-Galarza eta Jaunarena-Tolosa bikoteen arteko partida eskainiko dute ondoren. Xabier Euzkitzek eta Joxan Tolosak emango dute bi partida horien berri ETB1en eta eitb.eus-en.