Gaur
Real Sociedad B-Fuenlabrada eta Racing-Alaves, ETB1en eta eitb.eus-en
A.A.
EiTB
Bigarren Mailako futbola zuzenean 'Zilarrezko Futbola' saioaren barruan.
'Zilarrezko Futbola' saioak Bigarren Mailako bi partida eskainiko ditu gaur: Real Sociedad B-Fuenlabrada eta Racing-Alaves. Xabier Anduezak eta Iban Bengoetxeak egingo dute Zubietan jokatuko den neurketaren kontakizuna, eta Naxari Altunak, berriz, Santanderrekoarena. Juanan Larrañaga aditua izango dute laguntzaile ETB1en eta eitb.eus-en ikusgai izango diren bi emanaldietan.
Bestalde, eguerdiko 12etan, ETBKn, afizionatu mailak pilotari egingo diote tartea. Bizkaiko Irekiko finalen berri emango dute Juanan Legorburuk eta Karmelo Ariznabarretak.
Jon Elortzak gidatutako 'Gol Festa' saioak Lehen Mailako jardunaldiko laburpenak eta protagonistekin elkarrizketak eskainiko ditu 20:55ean eta 23:50ean. Arratsaldean jokatuko diren Almeria-Athletic eta Real Madril-Barça eta gaueko Eibar-Granada eta Cordoba-Real Sociedad partidak izango dituzte arreta gune nagusi.