'La sombra del poder' filma, gaurko 'La Noche de…' saioan

Gaur, 'La Noche de…' saioak La sombra del poder filma eskainiko du. Suspensez beteriko pelikula honek hilketa misteriotsu bat izango du ardatz, ustelkeria politikoa tarteko dela. Pelikula filmatzeko lanen hainbat bitxikeria eta datu emango ditu Felix Linaresek, eta bertan parte hartu zuten aktoreen zerrenda bikaina errepasatuko du: Russell Crowe, Helen Mirren, Jeff Daniels, Robin Wright, Jason Bateman, Rachel McAdams eta Ben Afflleck, besteak beste.

Bestalde, Matthew McConaugheyren urteguna dela eta, aktorearen ibilbide profesionala, bidaiak eta bizi dituen abentura bitxiak errepasatuko ditu saioak, El mapa de Matthew McCounaughey atalean.

'La Noche de…' saioak, gainera, bizitza errealean hiltzeko zorian egon diren Hollywoodeko aktoreak gogoratuko ditu. Auto-istripuak, borrokak eta motorrak apurtuta zituen hegazkina izango dira También son humanos atalak aurkeztuko dituen egoera arriskutsuak.

Amaitzeko, zineman erabiltzen diren efektu bereziak izango ditu hizpide saioak. Badirudi gaur egun ordenagailuak erabiliz edozer gauza lor daitekeela, baina hainbat adituk metodo eta teknika zaharrak erabiltzen jarraitzen dute, eta baita emaitza ikusgarriak lortu ere.

'La Noche de... La sombra del poder' gaur gauean emitituko da, 22:30etik aurrera, ETB2n.