Audientzia
'LND' audientzia-buru, 259.000 ikus-entzulerekin
A.H.
EITB
Felix Linaresek aurkeztutako saioak astearteko ordutegi nagusia bereganatu zuen berriz ere, % 13,7ko audientzia zatiarekin.
Euskal ikus-entzuleen astearte gaueko aukerarik gustukoena izan zen 'La Noche de...' berriz ere. Felix Linaresek aurkeztutako saioa bere ordu tartean nagusi izan zen, % 13,7ko audientzia zatiarekin. Astearteko atalak Leonardo DiCaprio aktorearen akatsak aireratu zituen, eta Hollywoodeko heriotza misteriotsuenen gainean ere jarri zuen arreta. Emanaldian zehar, 259.000 ikus-entzulek egin zuten bat saioarekin Euskadin eta eragin eremuan.
Felix Linaresek, gainera, Firewall suspense eta akziozko filma aurkeztu zuen. Harrison Ford eta Nikolaj Koster-Waldau aktoreak protagonista dituen filmak 255.000 ikus-entzuleko audientzia metatua lortu zuen.