Gaur
Bigarren Mailako futbola eta Endesa Liga, ETB1en eta eitb.eus-en
A.A.
EiTB
Leioa-Real Union, Alaves-Sporting eta Laboral Kutxa-Gipuzkoa Basket partidak zuzenean ikusteko aukera izango da.
Leioako jokalariak gol bat ospatzen. Argazkia: EiTB
Futbola eta saskibaloia izango ditu ardatz nagusi gaurko ETBren eta eitb.eus-en eskaintzak. 'Zilarrezko Futbola' tartearen barruan, 16:00etan hasita, Bigarren Mailako bi futbol partida eskainiko dira: Leioa-Real Union eta Alaves-Sporting. Xabier Andueza izango dugu berriemaile Leioatik, eta Naxari Altuna eta Iban Bengoetxea Gasteiztik. Juanan Larrañagak egingo du komentario teknikoa bi emanaldietan.
21:00etan, Endesa Ligaren tartea zabalduko da, Laboral Kutxa eta Gipuzkoa Basket taldeen arteko derbia eskaintzeko. Asier Arangurenek egingo du kontakizuna, Josean Aldalur adituaren laguntzaz. Juan de la Vega arduratuko da protagonistak elkarrizketatzeaz.
Aipatu, bestalde, eguerdiko 12etan, ETB4 katean, bezperan jokatutako pala motzeko Getxoko Sariko kinielaren berri emango duela Iñigo Aiestaranek Patxi Ziskarrekin batera.