10:00etatik 19:00etara
'Atrápame si puedes' saiorako castinga, gaur, Bilbon
EiTB
Galde-erantzunen lehiaketa honetarako castinga egingo da gaur EiTBk Bilbon duen egoitzan.
Patxi Alonso saioko aurkezlea izango da
'Atrápame si puedes' saiorako castinga egingo da gaur, EiTBk Bilbon duen egoitzan. Euren jakintza eta erreflexuak erakutsi nahi dituzten lehiakideen bila dabiltza, egunero 1.000 euro jokoan jartzen dituen saio honetan parte hartzeko.
Patxi Alonsok aurkezten duen saioa da 'Atrápame si puedes'. Lehiakideek primeran pasatzen dute haren galderei erantzunez, eta etxera diru mordoxka bat eramateko aukera izaten dute.
Lehiakideak aurkitzeko castinga gaur izango da, EiTBk Bilbon duen egoitzan, 10:00etatik 19:00era. Bertan parte hartzeko baldintza bakarra adinez nagusia izatea da; hautagaiek nortasun agiria edo pasaportea eraman beharko dute hori erakusteko.