Gaur
Telekom Belgrad-Laboral Kutxa, zuzenean, ETB1en eta eitb.eus-en
A.H.
EITB
Horrez gain, Atano III.a pilotalekutik zuzenean, Binakako Txapelketako lehen partida izango da ikusgai.
Gaur arratsaldean, Telekom Belgrad eta Laboral Kutxa taldeen arteko norgehiagoka eskainiko dute zuzenean ETB1ek eta eitb.eus-ek. Euroligako hamargarren jardunaldiko partida izango da, eta Belgraden jokatuko dute, 19:00etatik aurrera. Asier Arangurenek eta Josean Aldalurrek egingo dute emanaldiaren gaineko kontakizuna.
Ondoren, Donostiako Atano III.a pilotalekuarekin bat egingo dute, bertan hasiko baita Binakako Txapelketa, Bengoetxea VI-Aretxabaleta eta Artola-Albisu bikoteen arteko neurketarekin. Partida nagusiaren aurretik, Aritz Lasa-Urruzola eta Jaka-Tolosa arituko dira nor baino nor gehiago. Xabier Euzkitzek, Joxan Tolosak eta Ibon Gaztañazpik egingo dute kontakizuna zuzenean, 22:00etatik aurrera, ETB1en eta eitb.eus-en.