Emanaldi berezia
Olentzeroren etorrera, Bilbotik zuzenean, gaur, ETBn
A..E.
EiTB
Gainera, 'Herri People' saion ere Ibon Gaztañazpik ikazkinarekin hitz egingo du.
Your browser doesn’t support HTML5 video
Gaur, Gabon Gauaren bezperan, Olentzeroren etorrera eskainiko da 18:45ean ETB3n eta eitb.eus-en zuzenean Bilbotik. Ondoren, ETB1en, 21:00etan ere ikusi ahal izango da emanaldi berezia. Andoni Mutiloak emango du Olentzerok Bilboko kaleetatik barrena egingo duen txangoaren berri, eta Joseba Olagarai 'Euskal Herria Zuzenean'eko kazetariak Olentzeroren zain dauden haurrei galderak egingo dizkiete.
Olentzerok, Mari Domingi, Galtzagorri, lamiak eta beste zenbait lagunekin Bilboko kaleak zeharkatuk ditu asteazken arratsaldean. Goizean, dena den, Olentzero Bilboko EiTBko egoitzan ere izango da haurren gutunak jasotzen.
'Herri People'en ere Olentzerorekin
Gauean, halaber, Olentzero patxada gehiagoz Ibon Gaztañazpirekin solasean arituko da 'Herri People' saioan, 22:25ean. Horrez gain, Gabonak ondo baino hobeto ezagutzen dituzten bi aiton-amonekin elkartuko dira.
Gabonetako beste gai batzuk ere izango dituzte 'Herri People'n: turroien sekretuak ikasiko dituzte Tolosako gozogileen eskutik; ahotsa findu eta Gernikako Marijesietan abestuko dute, eta baliabide gutxi dituen herritar baten egunerokoa izango dute hizpide.
hizpide.