Gaur
Euskal Selekzioa-Katalunia, zuzenean, ETB1en eta eitb.eus-en
A.H.
EiTB
ETB2k, gainera, partidaren aurreko giroa jasoko duen saio berezia eskainiko du, Ana Ramos eta Julio Salinas aurkezleen eskutik, San Mamesetik zuzenean.
Your browser doesn’t support HTML5 video
Gaur Euskal Telebistak zuzenean eskainiko du Euskal Selekzioak eta Kataluniak arratsaldeko 20:30ean San Mamesen jokatuko duten partida. Ander Txintxurretak eta Juanan Larrañagak egingo dute norgehiagokaren gaineko kontakizuna, eta Joseba Urkiolak protagonisten hitzak jasoko ditu zelaian. ETB1en eta eitb.eus webgunean jarraitu ahal izango da norgehiagoka.
Horrez gain, norgehiagokaren aurreko giroa jasoko duen saio berezia eskainiko du ETB2k, Ana Ramos eta Julio Salinas aurkezleen eskutik, arratsaldeko 19:30etik aurrera. San Mamesetik zuzenean, kalean eta estadio barruan egongo diren kazetariekin bat egingo dute, giroa gertutik jarraitu eta partidara hurbilduko diren jarraitzaileekin hitz egiteko.
Aurkezleek, gainera, hainbat gonbidaturen bisita jasoko dute, besteak beste, Patxi Salinas, Koikili Lertxundi, Ramon Roteta, Jon Uriarte, Tito Irazusta eta Juanito Oiarzabal. Horrez gain, bai euskal selekzioko ordezkariek zein Kataluniatik etorritakoek ere lekua izango dute saioan.