22:00etan
'El atardecer' filma, gaur gauean, ETB2n
EiTB
Filmean parte hartu duten izarren artean, Claire Danes, Toni Collette eta Vanessa Redgrave daude
Euskal Telebistako bigarren kateak El atardecer filma emitituko du gaur gauean. Ameriketan ekoiztutako drama honek, ezinezko maitasun istorio eder bat kontatzen du. Filmean parte hartu duten izarren artean, Claire Danes, Toni Collette eta Vanessa Redgrave daude.
El atardecer filmean, Ann Lord (Vanessa Redgrave) izeneko emakume baten bizitza kontatzen zaigu. Hilzorian dagoen emakume honek, Constance eta Nina alabei bere azken nahia jakinarazten die, bizi osoan zehar ezkutatu duen sekretua. Hil aurretik egin nahi duen gauza hori, betidanik ezkutuan maite izan duen Harris Arden berriz ikustea da.
Filma, Susan Minot idazlearen eleberrian dago oinarrituta. Liburua argitaratu eta urte batzuetara, zinemara eramatea erabaki zuen Minot berak, ‘Las Horas’ lanarengatik Pullitzer saria irabazi zuen Michael Cunninghamekin batera.
Ez ezazu galdu El atardecer filma, gaur, 22:00etik aurrera, ETB2n.