21:45ean
Gontzal Mendibilen emanaldia, gaur gauean, ETB1en
A.A.
EiTB
Donostiako Victoria Eugenia antzokian berriki grabatutako kontzertua izango da ikusgai.
Your browser doesn’t support HTML5 video
Ilaski Serranok gidatutako 'Oholtzan' tarteak Gontzal Mendibilen emanaldia dakarkigu gaur, 21:45ean. Iragan abenduaren 26an Donostiako Victoria Eugenia antzokian grabatutako kontzertu honetan, bere betiko kantak eta Nire bihotzak zure begiak ditu disko berrikoak eskainiko ditu zeanuritarrak.
Gontzal Mendibilek Marife Nogales abeslaria izango du lagun oholtza gainean, Jose Luis Canal, Ange Unzu, Joe Gonzalez, Rober Caballero, Philippe de Ezcurra eta Blas Fernandez musikariekin batera. Horrez gain, Easo Txiki eta Araoz Txiki abesbatzak, eta Aukeran dantza taldea izango ditu gonbidatu berezi modura.
Gontzal Mendibilen ibilbide luzeko hamabosgarren diskoa da Nire bihotzak zure begiak ditu, berak sortutako 11 kantu berri biltzen dituena. Bizi eta sentitu nahia, herri izan nahia, sentipen sakonez eta mezu zuzenez burututako lana dugu, bere esanetan.