Kirol eskaintza
Bigarren Mailako futbola eta pala finala, gaur, ETB1en
A.A.
EiTB
Alaves-Leganes, Real Union-Real Sociedad B eta Fusto-Ibargarai partidak, ETBn eta eitb.eus-en.
Zuzeneko hiru kirol emanaldi eskainiko ditu Euskal Telebistak gaur, eta hirurak eitb.eus bidez ere ikusi ahalko dira.
Futbolarekin ekingo dio eskaintzari, Alaves eta Leganes Bigarren Mailako taldeen arteko partidarekin, 16:00etatik aurrera. ETB1en eta eitb.eus-en izango da ikusgai; Naxari Altuna, Juanan Larrañaga eta Iban Bengoetxearen kontakizunarekin.
17:00etan hasiko da Bilboko Bizkaia pilotalekuan Munduko Banakako Pala Txapelketako finala. Fustoren eta Ibargarairen arteko norgehiagokaren berri Iñigo Aiestaranek emango du, ETB4n eta eitb.eus-en.
Hirugarren hitzordua 18:00etan izango da, Real Union-Real Sociedad B neurketarekin. Xabier Andueza eta Juanan Larrañaga izango ditugu esatari, ETB1en eta eitb.eus-en.
Futbol jardunaldiaren errepasoa egiteko, 'Gol Festa' saioaren bi edizio izango dira, ETB1en: 20:55ean eta 23:50ean. Jon Elortzak gidatzen duen kirol saioak arreta berezia eskainiko dio 22:00etan Anoetan Realak eta Eibarrek jokatuko duten euskal derbiari.