22:30ean
'Sin Identidad' filmaren akzioa, 'LND'n
EITB
Saioak, gainera, Oscar sarien kiniela jarriko du martxan, eta, urtero bezala, sari potoloak banatuko ditu kategoria garrantzitsuenetako irabazleak asmatzen dituztenen artean.
'La Noche de...'k Sin Identidad pelikula eskainiko du gaur gauean, Jaume Collet-Serr zinemagile katalanak zuzendutako akziozko film txundigarria. Liam Neeson protagonistak auto-istripu larria izango du eta, ondorioz, denbora luzea emango du koman. Egoera horretatik ateratakoan, beste gizon batek bere identitatea lapurtu diola ikusiko da. Filma Berlinen grabatu zuten, eta aktore zerrenda bikaina du Liam Neesonekin batera lanean: besteak beste, January Jones, Aidan Quinn eta Diane Kruger.
'La Noche de...' saioak, gainera, Oscar sarien kiniela jarriko du martxan bere webgunearen bitartez. Urtero bezala, sari potoloak banatuko ditu lau kategoria nagusienetako irabazleak nortzuk izango diren asmatzen dutenen artean. Horrez gain, izendatuetako baten ibilbide pertsonal eta profesionala errepasatuko du astero. Astearte honetan, Edward Norton aktorearen txanda izango da.
Bestalde, urteen joan-etorrian euren ibilbidea zapuztu duten aktoreak gogoratuko ditu Felix Linaresek. Besteak beste, Pippi Kaltzaluze gorpuztu zuen aktorea hartuko du protagonista. Izan ere, zurrumurruek diotenez, pornoan lanean amaitu omen du.
Amaitzeko, eta El destino de Jupiter Wachowski anaien azken filmaren estreinaldia hizpide hartuta, gaur egun filmetan erabiltzen diren efektu berezien eta iraganean efektu horiek lortzeko erabiltzen zituzten tekniken inguruko erreportajea eskainiko du 'La Noche de...'k.
'La Noche de... Sin identidad', 22:30etik aurrera, ETB2n.