16:00tik aurrera
Bi komedia erromantiko, gaur, ETB2n
Valentine’s day eta Love happens dira 16:00etan eta 22:00etan, larunbatean emango diren bi pelikulak
ETB2k gaur bi komedia erromantiko emango ditu maitaleen egunaren omenez: Valentine’s day eta Love Happens. Lehenengoan Julia Roberts eta Ashton Kutcher dira protagonistak eta 16:00etan hasiko da. Bigarrenean, Jennifer Aniston eta Aaron Eckhart ditu aktore nagusi eta ordutegi nagusian, 22:00etan hasiko da ETB2n.
Valentine’s day, Balendin deunaren egunean gertatzen diren istorio desberdinekin osatutako fima da. Alde batetik, armadako ofizial bat (Julia Roberts) Los Angelesera itzultzen da Iraken egon ondoren. Bestetik, lore-denda baten jabeak (Ashton Kutcher) bere neska lagunari (Jessica Alba) ezkontzeko eskatuko dio. Eta horrez gainera, erretiroa hartutako emakume batek (Shirley Maclaine) maitale bat eduki zuela aitortuko dio senarrari.
Love Happens filmean, aldiz, Burker Ryanek (Aaron Eckhart), mina gainditzeko autolaguntza liburuak idazten ditu, baina ez da gai aholku horiek berarentzat hartzeko. Egun batean, Seattlera itzuli behar du konferentzia batean parte hartzeko eta publizitate hitzarmen bat sinatzeko. Konferentzia horretan Eloise (Jennifer Aniston) ezagutuko du, maitasunari uko egin dion lore-saltzaile bat.