16:00etan
'Los Falsificadores', gaur, ETB2n
'Los Falsificadores' pelikula izango da ikusgai, gaur arratsaldean, ETB2n. Nazismoaren garaian Berlinen kokatutako drama bat du ardatz.
Gaur, eguerdiko 'Teleberri' albistegiaren ostean, ETB2k Los Falsificadores filma emango du. Nazismoaren inguruko drama honek Stefan Ruzowitzky du zuzendari, eta Karl Markovics eta August Diehl ditu protagonista.
Sorowitsch (Karl Markovics) izeneko faltsutzaile judu baten ustez, dirua lortzeko erarik errazena dirua norberak egitea da. 1936ko Berlinen, gerraren hasieran, atxilotu eta kontzentrazio-eremu batera eraman zuten. Dolar estatubatuarrak eta libera esterlinak faltsutzeko agindua eman zioten bertan, eta ordura arte eskrupulurik izan ez bazuen ere, dilema moral bat sortu zitzaion; izan ere, borreroekin kooperatzea gerra luzatu eta Alemania naziari irabazten laguntzea izango zatekeen.
Gaur arratsaldean, 16:00etatik aurrera, Los Falsificadores, ETB2n.