Gaur
Athletic B-Conquense eta Sabadell-Alaves, ETB1en eta eitb.eus-en
A.A.
EiTB
Bigarren Mailako bi partidak 'Zilarrezko Futbola' saioan izango dira ikusgai, 15:45ean hasita.
Gaur, 'Zilarrezko Futbola' saioak Bigarren Mailako bi futbol partida eskainiko ditu: Athletic B-Conquense, lauretan hasita, eta Sabadell-Alaves, seietatik aurrera. Lezaman jokatuko den norgehiagokaren kontakizuna Xabier Anduezak eta Iban Bengoetxeak egingo dute, Juanan Larrañaga aditua lagun dutela. Naxari Altuna izango dugu bigarren partidaren esataria, Larrañagarekin batera. Emanaldia ETB1en eta eitb.eus-en jarraitu ahal izango da.
Bestalde, ETB4k emakumeen Euskadiko paleta txapelketa eskainiko du, bezperan Amurrion jokatutakoa. Iñigo Aiestaran izango dugu berriemaile, Maider Mendizabal lagun duela.
Jon Elortzak futbol jardunaldiaren errepasoa egingo du 21:00etan, 'Gol Festa' saioan.