Gaur, 22:30ean, ETB2n
Tim Burtonen 'Sombras Tenebrosas' filmaren estreinaldia, 'LND'n
EITB
Saioak, gainera, Hollywoodek euskaldunak nola ikusten dituen erakusten duten kasu berriak eskainiko ditu, eta ume famatu baten istorio harrigarria azalduko du.
'La Noche de…' saioak Tim Burton zinemagilearen Sombras Tenebrosas filma estreinatuko du gaur gauean telebistan. Komedia beldurgarria da, banpiroz eta sorginez betea, eta aktore famatu asko ageri dira bertan; Jonnhy Deep, Michelle Pfeiffer eta Eva Green, besteak beste. Felix Linaresek filma grabatzeko lanen eta aktore zerrendaren datu guztiak emango ditu filma eskaini aurretik.
Eta gaueko izakiekin jarraituz, Blade III filmean hainbat banpiro hil zituen emakume eder baten inguruko erreportajea eskainiko du saioak. Hainbat pelikula ezagunetan parte hartu du, ederra eta sexya da, eta, gainera, talentu handiko aktorea da. Hala ere, ez du lortu Hollywoodeko izarren mailan egotea. Felix Linaresek aktore honen inguruko xehetasun guztiak emango ditu ¿Quién es esa chica? atalean.
Bestalde, Hollywoodek euskaldunak nola ikusten dituen azalduko dute, eta film eta telesailetan euskaldunen adibide berriak eskainiko ditu Los vascos conquistan Hollywood atalean.
Amaitzeko, ume famatu baten istorio harrigarria azalduko du saioak CSI: Hollywood erreportajean.
'La Noche de... Sombras Tenebrosas' gaur izango da ikusgai, 22:30etik aurrera, ETB2n.