Gaur
Altuna III-Barriola / Berasaluze II-Zubieta, ETB1en eta eitb.eus-en
A.A.
EiTB
Bilbao Basket-Herbalife saskibaloi partida ere zuzenean jarraitu ahal izango da.
Gaur, 17:00etatik aurrera, pilota izango da ikusgai ETB1en eta eitb.eus-en. Bilboko Bizkaia pilotalekuko jaialdiaren kontakizuna egingo dute Xabier Euzkitzek, Joxan Tolosak eta Elena Azpeitiak. Aritz Lasa-Irusta / Jaunarena-Merino I partidak irekiko du jaialdia. Ondoren, txapelketako norgehiagoka jokatuko dute Berasaluze II-Zubieta eta Altuna III-Barriola bikoteek. Amaitzeko, Gorka-Larrinaga eta Arretxe II-Apraiz izango dira, aurrez aurre.
Eguerdi partean, 12:15ean, Endesa Ligaren leihoa zabalduko dute ETB1ek eta eitb.eus-ek, Bilbao Basketek Herbaliferen aurka jokatuko duen partida eskaintzeko. Xabier de la Fuente, Josean Aldalur eta Juan de la Vega izango dira esatariak.
Arratsaldeko 16:00 herri kirolen tartean, eguerdian Tolosan jokatutako aizkora desafioaren berri emango dute Ibon Gaztañazpik eta Joxe Etxebestek. Arria V.a eta Otaegi izango dira aurrez aurre.
ETB1eko kirol eskaintza 'Gol Festa' saioak osatuko du. Mikel Olazabalek 19:30etik aurrera gidatuko duen saioan futbol jardunaldiaren errepasoa egingo dute.
Errugbia eta pala, ETB4n
Eguerdian jokatutako errugbiko Ohorezko Mailako Ordizia-Getxo partida izango da ikusgai ETB4n eta eitb.eus-en, 15:00etan. Jon Ander Gorospek eta Joanes Aierbek egingo dute kontakizuna.
Iñigo Aiestaranen eta Iñigo Oiartzabalen eskutik, 20:15ean, Euskadiko Pala Txapelketako finala jarraitu ahal izango dugu: Fusto-Ibai / Gaubeka-Brefel.