16:15ean
Harrison Ford 'El fugitivo' filmean, gaur, ETB2n
EITB
EITB
Sona handiko zirujaua da Richard Kimble, baina dena hankaz gora jarriko da bere emaztea hiltzea leporatzen diotenean. Ihes egingo du, benetako errudunaren bila joateko.
Gaur arratsaldean, El fugitivo filma eskainiko du ETB2k. Harrison Ford eta Tommy Lee Jones aktoreak dira Andrew Davis zinemagileak zuzendu zuen pelikulako protagonistak.
Richard Kimbleren istorioa kontatzen digu filmak, bizitza perfektua duen zirujauarena: lanpostu ona, emazte ederra eta luxuz betetako etxea ditu. Bere bizitzak, ordea, kontrako norabidea hartuko du emaztea hiltzen dutenean. Richard bera joko dute errudun, baina espetxera daraman autobusak istripua izango du eta ihes egitea lortuko du. Richard Kimble bere emaztearen hiltzailearen bila abiatuko da orduan, atzetik segika duen Gerard detektibearen atzaparretatik ihes egiten duen bitartean.
Ez galdu El fugitivo filma, gaur, 16:15etik aurrera, ETB2n.