Ohi denez, pilota eta saskibaloia izango dira gaurko kirol programazioaren ardatz nagusiak. Bi emanaldiak zuzenean jarraitu ahal izango dira ETB1en eta eitb.eus-en.

Gasteizko Ogeta pilotalekuan izango dira ETBko kamerak. 17:00etan hasiko da emankizuna eta bertan, Binakako Txapelketako finalerdietako Berasaluze II- Zubieta/ Artola- Albisu partida jokatuko da. Aurretik, Irujo- Irusta/ Julen Retegi- Barriola partida eskainiko du ETB1ek. Xabier Euzkitzek, Joxan Tolosak eta Elena Azpeitiak egingo dute kontakizuna.

Saskibaloiari dagokionez, Iberostar Tenerife-Laboral Kutxa neurketaren berri emango dute Xabier de la Fuentek eta Josean Aldalurrek 12:15etik aurrera.

Txirrindularitza, harri-jasotzea, erremontea eta futbol laburpenak

Kirol eskaintza osatzeko, Miguel Indurain txirrindularitza probaren laburpena egingo du 16:00etan Fermin Aramendik ETB1en, eta, jarraian, Korrikaren amaierako erakustaldiko proben kontakizuna egingo du Ibon Gaztañazpik.

ETB4n, Uterga- Endika/ Zeberio II- Ion erremonte partida izango da ikusgai 19:30etik aurrera, Juanan Legorbururen eta Manuel Arrizabalaga Matxinen eskutik.

Amaitzeko, Mikel Olazabalek futbol jardunaldiaren errepasoa egingo du 19:30etik aurrera 'Gol Festa' saioan.