23:00etan
'Zaldun Ilunaren jaikiera' filmaren estreinaldia, gaur gauean, ETB1en
EITB
Hondoa jo duen superheroi ezagunaren azken filma estreinatuko dugu gaur gauean, 23:00etan, ETB1en.
Zaldun Ilunaren jaikiera (The Dark Knight Rises) filmaren estreinaldia izango dugu ETB1en gaur gauean. Hondoa jo duen Batman superheroiaren azken filma 23:00etan izango dugu ikusgai, telebistan estreinakoz.
Zortzi urte igaro dira Batman desagertu zenetik; superheroi izateari utzi zion, eta iheslari bihurtu zen. Bere gain hartu zuen Harvey Kent fiskalaren heriotzaren errua, eta Zaldun Ilunak dena utzi zuen, xede hobe baten alde egiteko. Gezurrak bere helburua beteko du denboraldi batez, Dent lege zorrotzak Gotham hiriko delinkuentzia zapaldu baitu. Kateme lapur batek, baina, dena irauliko du, plan misteriotsua baitauka. Dena dela, askoz ere arriskutsuagoa da Bane maskaradun terroristaren etorrerak. Haren plan gupidagabeek erbestetik itzularaziko dute Bruce Wayne.
Beste behin ere, Christian Bale da protagonista nagusia, Bruce Wayne/Batman gorpuztuta. Harekin batera, Michael Caine da, berriz, Alfred Pennyworth zerbitzaria. Halaber, Morgan Freeman da Lucius Fox, eta Cillian Murphy da Jonathan Crane doktorea. Bi pertsonaia antagonistei dagokienez, Tom Hardy da Bane terrorista eta Anne Hathaway, berriz, Selina Kyle.
Gaur, 23:00etan, Zaldun Ilunaren jaikiera filmarekin daukagu hitzordua ETB1en.