Laburpena
Andekak irabazi du lehia, ‘La Killa’ abenturatik kanpo utzita
‘La Killa’k agur esan dio abenturari, Andekaren aurka lasto-zamaren lehia galduta. Andekak, bestetik, umekeria bat egin zuen eta horrek izango ditu bere ondorioak ‘El Conquis’ saioan datozen ataletan.
Killa izan da saiotik kanpo gelditu den azken lehiakidea, Andekaren aurka lehia galduta. Baina, benetan nafarra abenturatik at utzi duena jokoan jauzi egin ez izana izan da. Inork ez zuen espero ‘La Killa’ izango zenik 15 metroko jauzia egingo ez zuen lehiakide bakarra. Rakelek ezin izan zuen konbentzitu eta, hortaz, pumen taldeak ez zuen aukerarik izan jokoan guanakoen aurka lehiatzeko.
Juanitok, bestetik, eguneko une ona utzi zigun; Manuk baino lehen egin zuen jauzi uretara, eta garaipena eskuratzeko eskailera igo behar izan zuenean, sendo eta irmo igo zuen. Kortari eskaini zion garaipena arabarrak.
‘La Killa’, Andeka eta Kris, lehiarako izendatuta
Manu, Andeka eta gainontzeko taldekideen ustez, ‘La Killa’ izan zen euren porrotaren erruduna eta, beraz, gertatutakoak ikusita, ez zen harritzekoa izan bileran ‘La Killa’ izendatu izana. Bestalde, Andeka izendatu zuten guanakoek, eta Manu Maritxalarrek, aldiz, Kris aukeratu zuen.
Gauzak horrela, Andekak eta ‘La Killa’k neurtu zituzten indarrak lehian. Laguntzailea aukeratzerakoan ere ez zen oso fin ibili nafarra eta Kris aukeratu zuen, baina, haren laguntza ez zuen nahikoa izan lehia irabazteko. Andekak, aldiz, zuhurtziaz jokatu zuen, Sergio aukeratu zuen laguntzeko eta, Cristiano Ronaldoren kamiseta soinean, beste garaipen bat eskuratu zuen.
Ikurrinaren lapurreta
Hala eta guztiz ere, eguneko gertakaria beste bat izan zen, Andekak ikurriña lapurtu izana, alegia. Juanitok eta haren taldekideek ederto ospatu zuten garaipena, edari alhokoldunak eta guzti, eta Juanito mozkorra pasatzeko fasean zegoela, Andekak kanpamentutik alde egin eta kanpamentu aberatsetik ikurriña lapurtu zuen. Hasieran, Manuk eta haren taldekideek pumen taldeko líder berriak egindakoari barre egin bazioten ere, Julian txabolara joan zitzaienean eta zigorra izango zutela entzutean, aurpegia erabat aldatu zitzaien.
‘El Conquistador del Fin del Mundo’ saioko hurrengo ataletan jakingo dugu zein izango den oso harroputz dabilen taldekide batek egindako umekeriagatik pumen talde osoak ordainduko duen zigorra.
o duen zigorra.