Gaur, 22:30ean, ETB2n
'El Mundo según LND' saioak 'Batman begins' filma eskainiko du
EITB
Christian Bale aktore protagonistaren ibilbide profesionala errepasatzeaz gain, historiak utzi dizkigun superheroi errealen inguruan arituko da Felix Linares.
Gaur gauean, 'El Mundo según LND' saioak Batman begins eskainiko du, Batmanen kondairaren jatorriaren gakoak azaltzen dituen film bikaina. Grabazioari eta aktore zerrendari buruzko hainbat datu eskainiko ditu, eta, gainera, historiak utzi dizkigun superheroiak gogoratuko ditu: zineman ikusi ditugun fikziozko heroiak eta bizitza errealean existitu direnak.
Felix Linaresek fikziozko pertsonaiei helduko die gehienbat, eta The Simpsons telesail ezagunean oinarritutako ¿Y los vascos qué? atal interesgarria eskainiko du.
Amaitzeko, Christian Bale aktorea hobeto ezagutuko dugu. Haren ibilbide profesionala errepasatuko du saioak, zineman egin dituen lanak gogoratuz. El Mundo según Christian Bale atalean ikusiko dugu hori guztia.
'El Mundo según LND', gaur gauean, 22:30ean hasita, ETB2n.