22:30ean, ETB2n
'LND'k 'Adiós pequeña, adiós' filma eskainiko du gaur
EITB
Saioak Al Pacinoren 75. urtebetzea ospatuko du aktorearen inguruko zurrumurru zentzugabe eta handiena argituz.
Morgan Freeman
Gaur gauean, 'La Noche de...' saioak Adiós pequeña, adiós filma emango du, intrigaz beteriko thriller-a. Dennis Lehane idazle ospetsuaren eleberri bikainean oinarritutako pelikula da, eta Ben Affleck aktore eta zinemagilea du zuzendari. Bi detektibe pribatu bahituta dagoen lau urteko ume baten bila hasiko dira; hiriko auzorik pobreenean bahitutako ama drogazale baten alabaren bila, hain zuzen ere. Cassey Affleck, Ed Harris, Morgan Freeman, Michelle Monahan eta Amy Ryan dira aktore nagusiak. Aktore zerrenda bikainari, eta zuzendari eta filmatzeko lanei buruzko datu guztiak emango ditu saioak filma eskaini aurretik.
Bestalde, Hollywoodeko bi aktoreren urtebetzea ospatuko du 'La Noche de...' saioak. Batetik, Al Pacino aktore mitikoaren 75. urtemugaren aitzakian, bere ibilbide osoan izan duen zurrumurru handiena argituko du Los archivos secretos de La Noche de... atalak. Bestalde, aktore gazte baten urtebetzea ere ospatuko du saioak. Aktore eder hori stripper lanetan aritu zen zineman hasi aurretik. ¿Quién es ese chico? atalak haren ibilbidea errepasatuko du.
Amaitzeko, euren gorputzaren ordezkoak behar izan dituzten Hollywoodeko izarrak izango ditu ardatz 'La Noche de...'ren Línea Caliente atalak.
'La Noche de... Adiós pequeña, Adiós', gaur, 22:30ean hasita, ETB2n.
ong>