Gaur
Munitibarreko pilota jaialdia, zuzenean, ETB1en eta eitb.eus-en
A.A.
EiTB
Gorka-Irusta pilotarien arteko buruz burukoa, eta Retegi Bi-Cecilio eta Irribarria-Rezustaren binakakoa izango dira ikusgai, 22:00etatik aurrera.
Munitibarretik eskainiko da 'ETB Kantxa' saioa, gaueko hamarretatik aurrera, zuzenean. Gorkak eta Irustak bigarren mailako Buruz Buruko Txapelketako partida jokatuko dute lehenengo.
Neurketa hori amaitutakoan, eta futbolari tartetxo bat eginez, Athleticek Kordoban jokatuko duen partidaren laburpena egingo du Jorge Cerratok.
Ondoren, pilota jaialdira itzulita, Retegi Bi-Cecilio eta Irribarria-Rezusta bikoteen arteko norgehiagoka izango da ikusgai.
Xabier Euzkitzek, Joxan Tolosak eta Ibon Gaztañazpik egingo dute kontakizuna, ETB1erako eta eitb.eus-erako.