Gaur, 22:30ean
'El caballero oscuro: La leyenda renace' filmaren estreinaldia, ETB2n
EITB
'El Mundo según LND' ostiraletan emitituko da aste honetatik aurrera.
'Zaldun ilunaren jaikiera'. Argazkia: Warner Bross
'El Mundo según LND' saioak emisio eguna aldatu eta ostiraletan emititzen hasiko da aste honetatik aurrera. Gaur, maiatzak 1, El caballero oscuro: La leyenda renace film ikusgarriaren estreinaldia dakarkigu, Christopher Nolan izen handiko zinegilearen trilogiaren azken atala. Feilx Linaresek filmaren aktore zerrenda eta errodajearen inguruko hainbat datu emango ditu.
Saioak, gainera, bai zinemagintzan zein bizitza errealean ere heroiak izan diren hainbat izen ezagunen adibideak emango ditu. Horrez gain, ninja euskaldun baten istorio harrigarria azalduko du. Horretarako, Idahora joango da saioa, guraso euskaldunak izan zituen gizon gogor bat ezagutzera, ¿Y los vascos qué? atalean.
'El Mundo según LND' gaur izango da ikusgai, 22:30etik aurrera, ETB2n.