Gaur
Futbola, saskibaloia eta pala, zuzenean, ETBn eta eitb.eus-en
A.A.
EiTB
Albacete-Alaves, Valentzia Basket-Dominion Bilbao Basket eta Fusto-Ibargarai / Gaubeka-Ibai Perez partidak eskainiko dira.
Zuzeneko hiru kirol emanaldi izango dira gaur arratsaldean ETBn eta eitb.eus-en. Futbolarekin hasiko da eskaintza, 16:00etan, Bigarren Mailako 38. jardunaldiko Albacete-Alaves partidarekin. Naxari Altunak eta Juanan Larrañagak egingo dute kontakizuna ETB1en eta eitb.eus-en.
17:00etan, Mungiatik zuzenean, Munduko Pala Txapelketako finala izango da ikusgai ETB4n eta eitb.eus-en. Fusto-Ibargarai eta Gaubeka-Ibai Perez bikoteen arteko norgehiagokaren berri emango du Iñigo Aiestaranek, Koldo Larrinaga aditua lagun duela.
Azkenik, 18:30ean, Endesa Ligako 33. jardunaldiko Valentzia Basket-Dominion Bilbao Basket neurketa eskainiko da ETB1en eta eitb.eus-en, Asier Aranguren eta Josean Aldalur esatarien eskutik.