Kapitain gogokoena
Aukeratu 'El Conquistador' saioko kapitain gogokoena!
I.A. | EiTB.EUS
Abenturaren hamaikagarren edizioan parte hartu duten 6 kapitainen artean gustukoen duzunari botoa eman diezaiokezu, saioaren atarian bertan. Botazioaren berri "Kapitainen Debatea" atalean emango dugu.
"El Conquistador del Fin del Mundo" saioaren hamaikagarren edizioa bukatzear dagoenean, ikus-entzuleek gogokoen duten kapitaina aukeratzeko ordua iritsi da jada. Horretarako, "El Conquistador del Fin del Mundo" saioaren webgunean sartu eta aukeratu gustukoen duzun kapitaina.
Kapitain gogokoenari botoa emateko orduan, abenturaren edizio honetan parte hartu duten 6 kapitainak izango dituzu aukeran: Eneko Van Horenbeke, Roberto Laiseka, David Seco, Manu Maritxalar, José Luis Korta eta Juanito Oiarzabal. Aurtengo kapitain garailea Manu izan da, baina zuk horien inguruko alde ugari izan ditzakezu kontuan: aginduak emateko era, sinpatia, lehiaketan eman duen jokoa, lehiatzeko era, erabili duen estrategia, elkarbizitzeko izan duen jarrera eta abar. Interneteko erabiltzaileen esku egongo da bozketa honen emaitza.
Eman botoa eitb.eus atarian
Botoa emateko egin beharrekoa oso erraza da. Saioaren webgunera joan eta kapitain bat aukeratu behar da, haren azpian dagoen botoia sakatuta; ondoren, boto-emaileak datu pertsonalak sartu behar ditu. Mezu elektronikoa jasoko duzu zure buzoian, eta onartu egin beharko duzu, botoa zuzen gordetzeko.
"Kapitainen Debatea" atalean emango dizuegu emaitzaren berri, maiatzaren 27an.