Arbasoen bila
Iñaki Lopezen arbasoak, 'Todos los apellidos vascos' saioan
A.E.
EiTB
Gaur gauean, Olga Zabalgogeaskoak Iñaki Lopezen abizenak nondik datozen aztertuko du bere lantaldearekin batera.
Gaur gauean, Iñaki Lopez izango dugu protagonista 'Todos los apellidos vascos' saioaren bigarren atalean. Kameren aurrean ohitutako gizona dugu, bere sentipenak edozein egoeratan kontrolatzeko gaitasuna mila bider erakutsi duena, baina atal honek muga guztiak gaindituko ditu.
Iñaki Lopezen familiaren iraganean ikertzen arituko dira saioko lantaldea osatzen duten historialari eta kazetariak. Eta Iñaki hunkituta, pozik, harrituta, apur bat atsekabetuta eta negarrez ere ikusiko dugu. Izan ere, bere arbasoek bizitako hainbat gertakizun jakinaraziko dizkio Olgak, berak ezagutzen ez zituen gertaerak.
ETB2ko saio honen lehen atalak arrakasta itzela izan zuen aurreko astean. Telebistako ordutegi nagusian, saiorik ikusiena izan zen, % 17,2ko pantaila kuota eskuratuta, eta bigarren saio ikusienetik hiru puntura. Aste honetan ere, oso atal hunkigarri eta ikusgarria eskainiko digute.
22:30 aldera hasiko da 'Todos los apellidos vascos' ETB2n eta eitb.eus-en.