'Kill Bill' filma, gaur gauean, 'La Noche de...' saioan

Zinemazaleentzat opari paregabea dakar 'La Noche de…' saioak. Gaur, Kill Bill saga famatuaren lehenengo partea eskainiko du saioak, eta datorren astean, bigarrena. Quentin Tarantino handiari omenaldi ezin hobea egingo dio Felix Linaresek aurkezten duen 'LND'k, eta zuzendari ezagunaren lanaren inguruko hainbat datu emango ditu.

Tarantino eta Uma Thurman aktorearen arteko elkarrizketa baten ondorioz sortu zen Kill Bill pelikularen istorioa. Pulp Fiction pelikula ezaguna grabatzen ari zirela, emakume ezkonberria imajinatu zuten, zuriz jantzita eta katana bat eskuan zuela. Oinarrizko ideia horretatik abiatuta, zinema garaikideko maisulana egin zuen zinemagileak, Thurman aktore protagonista bihurtuta.

Kill Bill filmaren inguruan hainbat datu emango ditu Felix Linaresek, eta, horrez gain, ¿Quién es ese chico? atalean, egungo sex symbola aurkeztuko du: Chris Patt aktorea, Jurasic Park film berriaren protagonista.

Bestalde, Brooke Shields aktorearen inguruan ikus-entzuleek egindako galdera guztiak argituko ditu Felix Linaresek Línea Caliente atalean.

Amaitzeko, Hollywoodeko aktoreen ohe kontuak aireratuko ditu saioak, Secretos de alcoba atalean.

'La Noche de… Kill Bill' gaur izango da ikusgai, 22:30etik aurrera, ETB2n.

trong>, ETB2n.