Gaur
Tourreko lehen etapa eta Nauta Sanxenxo Bandera, zuzenean
A.A.
EiTB
Txirrindularitza emanaldia 13:55ean hasiko da eta estropadena 18:00etan.
Your browser doesn’t support HTML5 video
Frantziako Tourreko emanaldiei ekingo die ETB1ek, gaur. Holandako Utrecht hirian jokatuko den 13,8 kilometroko erlojupekoarekin hasiko da lasterketa. Fermin Aramendik, Xabier Usabiagak eta Pedro Mari Goikoetxeak egingo dute kontakizuna 13:55ean hasita ETB4n eta 15:00etatik aurrera ETB1en. Txirrindularitzaren urteko hitzordurik garrantzitsuena egunero eskainiko du Euskal Telebistak datorren uztailaren 26ra bitartean.
Jarraian, estropadek hartuko dute lekukoa. San Miguel Ligako 2. jardunaldia jokatuko da Galiziako Sanxenxo herrian, 18:00etatik aurrera. Bertan gertatzen denaren berri emango dute zuzenean Mikel Olazabalek eta Ibon Gaztañazpik ETB1en eta eitb.eus-en.
Bestalde, ETB4n waterpoloa izango da ikusgai 14:45ean. Portugaleteko Nazioarteko sariko Espainia eta Errusiaren arteko norgehiagoka hain zuzen ere. Valentin Elgezabal izango dugu esatari. Internet bidez ere jarraitu ahal izango da emankizuna.