Gaur
Gernika-Guadalajara partida eta Logroñoko pilota jaialdia, ETBn
A.A.
EiTB
ETB1en eta eitb.eus-en izango dira ikusgai, zuzenean. Futbola 16:00etan emitituko da, eta pilota 18:00etan.
Larunbatero legez, futbolak eta pilota osatuko dute ETBren eta eitb.eus-en kirol eskaintza.
'Zilarrezko Futbola' saioa 15:45ean hasiko da, Jon Elortzak gidatuta. Bertan, Bigarren B Mailako Gernika eta Guadalajara taldeen arteko futbol norgehiagokaren berri emango dute zuzenean Xabier Anduezak, Juanan Larrañagak eta Naxari Altunak.
'ETB Kantxa' saioa 18:00etan hasiko da Logroñoko Adarraga pilotalekutik, Josetxo Lizartzak, Jokin Errastik eta Iban Bengoetxeak gidatuta. Artola eta Irribarria arteko lau eta erdiko partidarekin hasiko da jaialdia. Ondoren, Berasaluze II-Urrutikoetxea bikoteak, Irujo edo Altuna III (zehaztu gabe)-Merino I bikotearen aurka neurtuko ditu indarrak. Amaitzeko, Domus Dei sariko finala jokatuko dute Arretxe II-Ladis Galartza eta Dario-Rezusta bikoteek.