22:30ean
'Artur Mas… difícil todavía' atal berria, gaur gaueko 'Vaya Semanita'n
EITB
Egun eguneko egoera politiko eta sozialaren inguruko esketx eta istorio dibertigarriak eskainiko ditu osteguneko saioak.
Gaur gauean, 'Vaya Semanita' saioak hainbat eketx eta istorio dibertigarri eskainiko ditu Artur Mas… difícil todavía atal berrian bilduta. Kataluniako hauteskundeen emaitzen ondorioak aztertuko ditu. Artur Masek, Braveheart filmeko protagonista bailitzan, bere herria hitzez adoretuko du. Mariano Rajoy, berriz, Inside out filmaren bertsio dibertigarri bateko protagonista izango da.
Egun eguneko beste hainbat gaiek ere presentzia izango dute osteguneko saioan. Batetik, Volkswageneko ingeniariek musikal berezi bat prestatuko dute. Bestetik, Laudioko Udalak Espainiako bandera ez jartzeagatik ordaindu beharko duen isunaren ondorioak aztertuko dituzte.
Horrez gain, Iñaki Perurenak eta Carlos Soberak bizitza osasuntsu bat eramateko aholkuak emango dituzte. Amaitzeko, Aita Santu bidaiariaren pelikula berria aurkeztuko dute: Cristianiza como puedas.
'Vaya Semanita' gaur gauean emitituko da, 22:30etik aurrera, ETB2n.
rong>n.